លោក អ៊ាង ស៊ីផាន បើកកិច្ចប្រជុំត្រួតពិនិត្យលទ្ធផលយុទ្ធនាការធ្វើបច្ចុប្បន្នភាពស្ថិតិ ការស្នាក់នៅ
01-July-2016 | ដោយ មែន កំសត់
ភ្នំពេញ៖នាព្រឹកថ្ងៃទី០១ខែកក្កដាឆ្នាំ២០១៦ លោក អ៊ាង ស៊ីផាន អភិបាល នៃគណ:អភិបាលខណ្ឌច្បារអំពៅ បានដឹកនាំប្រជុំត្រួតពិនិត្យលទ្ធផលយុទ្ធនាការធ្វើបច្ចុប្បន្នភាពស្ថិតិ ការស្នាក់នៅ និងការផ្តល់ឯកសារបញ្ជាក់អត្តសញ្ញាណប្រជាពលរដ្ឋក្នុងខណ្ឌច្បារអំពៅ ។
កិច្ចប្រជុំ មានការអញ្ជើញចូលរួមពីសមាជិក សមាជិកាក្រុមប្រឹក្សា ប្រធានការិយាល័យសាលាខណ្ឌ ចៅសង្កាត់ តំណាងកងកម្លាំងទាំង៣ និងមន្ត្រីរាជការចំណុះខណ្ឌច្រើននាក់ផងដែរ។
កិច្ចប្រជុំបានលើកឡើងនូវជុំវិញបញ្ហាប្រឈមនានដែលកើតមាននៅក្នុងមូលដ្ឋានរបស់ខ្លួននៃសកម្មភាព ការធ្វើបច្ចុប្បន្នភាពស្ថិតិ ការស្នាក់នៅ និងការផ្តល់ឯកសារបញ្ជាក់អត្តសញ្ញាណប្រជាពលរដ្ឋក្នុងមូលដ្ឋាន ជម្រាបជូនគណៈអធីបតី។
នាឱកាសនោះលោក អ៊ាង ស៊ីផាន អភិបាល នៃគណ:អភិបាលខណ្ឌច្បារអំពៅ ក៏បានលើកឡើងបន្ថែមទៀតដែរថា៖ថ្នាក់សង្កាត់ ត្រូវចុះធ្វើ រដ្ឋបាលចំហរនៅគ្រប់ មូលដ្ឋានដើម្បីងាយស្រួលក្នុងការក្ដាប់មុខសញ្ញា និងគ្រប់គ្រងស្ថិតិប្រជាពលរដ្ឋបានត្រឹមត្រូវ ចំពោះប្រជាពលរដ្ឋដែលខ្វះខាតទឹកប្រើប្រាស់ត្រូវស្រង់ ស្ថិតិឲ្យបានច្បាស់ផ្ញើមកកាន់សាលាខណ្ឌដើម្បីស្វែងរកសប្បុរសជន ចូលរួមដោះស្រាយជូនពួកគាត់ឲ្យបានទាន់ពេលវេលា។
ហើយត្រូវ អនុវត្តន៍ការបម្រើសេវាសាធរណៈលើការងាររបស់ខ្លួន ប្រកបដោយប្រសិទ្ធភាពខ្ពស់ ដូចជាអត្រានុកូលដ្ឋាន អត្តសញ្ញាណប័ណ្ណ សៀវភៅស្នាក់នៅ ការដោះស្រាយនូវរាល់តម្រូវការចាំបាច់នានានៅក្នុងមូលដ្ឋាន ជូនប្រជាពលរដ្ឋ ស្របតាមគោលនយោបាយថ្នាក់ជាតិ៕
ចំនួនអ្នកទស្សនា
- ថ្ងៃនេះ1911
- ម្សិលមិញ2931
- សប្តាហ៍នេះ14101
- ខែនេះ1911
- ឆ្នាំនេះ985131
- សរុប20212577